Jowai : Kamwajooh man man ka snem ha i por kiwa ngait ya ka niam Kristaan ha kylleiñ ka pyrthai pynkhreh ki ya ka Christmas deiwa pynriam pynbait wei pynkhreh ki yow pdiang ya ka sngi kha u Jisu Khrist u nongpynim.
Yeini da yoh u sakhi ha kiwa boon ki dong wa ki chnong hapoh Jowai kiwa da pynriam ya ki sarok da ki light kiwa pynchohbiej ya kiwa pait.
Da em leh ki bynta rood sarok wa ki laad kiwa da chna ya ki yung-skum khian kiwa da chna pynwandur wa pynyoo yei por wa kha ya u Jisu Khrist.
Heijooh i por ki khynnah wa waheh ya chlong ki cha kini ki thaw wa em kini ki yung-skum yow pait ya ki waroh wei da ood ki tanghæng da ki sur wow pynsñiaw paidbah wa da toh ki sngi wow lai chaad Karol ha kylleiñ ki thaw.
Ym du kattæ ki yung mane leh man ki kiwa da yoo phooh wa yoosuk na ki light-rong wa ha rukom wa pynche ya ki heipor miet.
Neiliang u Wyrta kwah i u e khublei Khristmas wasuk wa kmen ya kiwa puræ yong i waroh, u Blai wow pteiñ u wow theh i kyrkhu ya phi waroh.
Discussion about this post