U Chief Executive Member (CEM) ka Khasi Hills Autonomous District Council (KHADC), u Pyniaid Sing Syiem da lai pait u yaka Khasi Heritage Village ha Mawphlang yow yoo yei pynkhreh neibynta u pynman yaka Monolith Festival ha uni u bnai wow wan.
Deilang wa u CEM da emlang leh u Chairman ka KHADC uwa man leh kam u MDC ka thaaiñ, u Lamphrang Blah, u Executive Member (EM) wa pait ya ka Arts and Culture, u Victor Rani, ki sahep naka chnat Department of Public Works (PWD) wa kiwa mihkhmat naka chnat Tourism.
Ka KHADC hadien 7 snem da pynkhreh ko wow pynman biang ya ka Monolith Festival heiwa hei sien wa khaddooh da pynman yaka ha u Naichiphaw 2016 tangwa neidaw wym em poisa ym em de ye wow pynman ya kani ka tamasa.
Ka thong ka KHADC wow pynman ya kani ka tamasa toh wow pynyoo rong yei mahajon ka dustur riti ki Khasi ha kawi donhi ka rynsan.
Ha kani ka tamasa daw e laad ya ki Khasi wow ya wanlang ki yow lehkmen yei long i man wa phær yong ki wei wow pynyoo pyrthai leh yei dustur riti cha kiwa wan paitke kiwa daw wan na kylleiñ ki thaw.
Daw em leh ki rwai, ki chaad tynre kamjooh ki baam wa ki tiar ki taar wa pynyoo ya ka dustur riti ki Khasi.
Discussion about this post