Ka Meghalaya Cricket Association daw phah ko ya ki 20 ngut kiwa yalehke cha Kolkata yow chimbynta ha ka Women’s Senior One Day Trophy, kawa daw sdang ha ka 29 tarik uni u bnai.
Ka Debasmita Dutta daw man ko kam ka Captain, ka Daiaka Warjri kam ka Vice Captain. Daw em leh arngut ki Guest Player kiwa da mynjur da ka BCCI kitæ ka Rajni Lodhi (kawa da em chwa waka Meghalaya ha ka samoi wa da dep) waka Viancy Choudhary.
Ka Meghalaya da hiar ko cha ka Plate Group ha uni u snem hadien wa ha ka samoi wa dep ku ko cha ka Elite Division heiwa da rem ha waroh san tylli ki yalehke. Da man ki leh kiwa nyngkong kiwa yalehke na ka jylla lada da ki chynrang lane kynthai da yoh u psiah chapoh ka Elite Group wei da man ki leh kiwa da yoh chiboon i tip na ka samoi wa da dep.
Ka Meghalaya ha uni u snem daw yaleh ki 6 tylli ki yalehke pyrchah ya ka Sikkim, Bihar, Manipur, Nagaland, Jammu & Kashmir waka Arunachal Pradesh.
Ki kynthai ka Meghalaya daw lai chah sikai chwa ki ha ka Training Camp ha Alur, Karnataka, kam chibynta wow pynkhreh ya ka kani ka One Day Tournament wei da man ki kiwa sñiaw skem ha kani ka lympung.
Kiwa yalehke ka Meghalaya: Debasmita Dutta (C), Daiaka Warjri (V-C), Neha Hajong, Luiza Tamang, Deiphibapynshngain Lyngdoh Mawnai, Solina Jaba, Riticia Nongbet, Sandria Momin, Dasanbaniewkor Wahlang, Sildamicresha Marbaniang, Ajima Sangma, Rajni Lodhi, Viancy Choudhary, Pinky Chanda, Ruby Chetry, Polly Mawroh, Rebeldalis Syiemlieh, Lasiewspah Marwein, Tiewshailin Lyngdoh, Eiffelene Nongkynrih.
Kiwa yarap wa kyrchaan ya kiwa yalehke ka Meghalaya: Saranya RS (Coach), Synrapsing Riahtam (Assistant Coach), Wandashisha Dkhar (Physio), Mary Balahun Sawkmie (Assistant Physio), Priyanka Mondal (Trainer), Dister M Marbaniang (Manager).
Ki tarik yalehke ka Meghalaya: Sikkim (October 29), Bihar (October 31), Manipur (November 1), Nagaland (November 3), Jammu and Kashmir (November 4), Arunachal Pradesh (November 6).
