Ka Lympung Ki Khynnah Seng Khasi Seiñ Raij kawa 18 kawa daw man ha chnong Nongkynrih, West Jaiñtia Hills District haka 20 wa 21 tarik uni u bnai da sakhi wa i pynkhreh da lai i chakhmat hapoh i pait i yoo ka Organising Committee yong ka lympung kamjooh ka Seiñraij Nongkynrih nadooh wow pynbiang yeiwa emkaam khamtam ha madan Siej Kynden Nongkynrih ka thaw wa daw pynman lympung wa kynthup kam ki dara, ki rynsan wa kiwi.
U President ka Lympung Ki Khynnah Seng Khasi Seiñ Raij, u Puramon Kynjin khana u wa ka thong yong kani ka lympung toh yow pynkmen pynsñiawbha yaki khynnah kamwa jooh leh man-u-snem haki rukom waphær waphær wei wow hikai leh yaki heiyatoh waka akor burom.
Kani ka lympung da sdang ko nadooh ka 12-12-2023 deiwa chimbynta ki 22 tylli ki chnat yong ka lympung ki khynnah wa em ha kylleiñ ka Bri u Ynñiawtrep Ynñiawskum kiwa da chimbynta hei pynyoo sap yalehke yong rim kam ka dat Mooniaw, i yasiat khnam wa kiwi katwa ya kiwa yoh rah naam jop daw pynkup burom yaki ha ka sngi kut ka lympung ka 21 tarik.
Ya ki yakob wa da leh ha jar jiar ki chnat daw bichaar won da ka lympung kiyi wow yoh yei naam jop wa hakhlieh dooh napyrdi ki 22 tylli ki chnat wa da chimbynta.
Chooh chooh u President khana u wa haka sngi pynkut yaka lympung ha Nongkynrih daw yoh i chimbynta da ki khynnah nadooh wow pynlai kamjooh kiwa daw e leh yei chaad i rwai.
Booh haroh u i kyrpaad ya kiwa wan cha kani ka lympung wow man kiwa lehkhooid yaki luti syngkieñ.
Discussion about this post