Kam chibynta wow pynkhreh yei liwan kiwa boon kiwa na South West Khasi Hills District kiwa daw wan na kiwa boon ki jylla ka ri kiwa da dep wow pynpsiah pyrtuid, neiliang ki bor District da ya krehlang wa kiwa boon ki chnong kamjooh ki COVID-19 Management Committees yow pynkhreh wei wow pynsñiawthooh heiyatoh wa i leh yaka Home Quarantine ya kiwi liwan.
Kiwa boon ki chnong dei mynsien wyrai wa i em i kitkhlieh da chim ki yaka yukit wow pynkhreh yaki thaw chong kset hapoh ka chnong namo ki Community Quarantine Facilities ki wow pait wow pynlai daka chnong hi.
Lada em ki chnong, ki yung wym ye u leh yaka Home Quarantine neidaw wa em boon ngut haka chi yung, ki wym em thaw wow pynsah jar jiar ki kamra, wa em ki bru wa da heh rta wa da sah lang, kiwa chitom kamjooh ki khynnah khian, lane wa kiwa khih wa khan ym ye ki wow dam kreh 2 tayaw, daw pynemkaam ya kini ki Community Quarantine Centre yow booh ya kini kiwa liwan.
Waroh iwa emkaam man ka sngi da pynbiang ha kini ki thaw sah, deiwa em leh ki Volunteer ki wow yarap wei wow pyntikna wa ym em wa tynngkheiñ yaki kyndon leh Quarantine ki wow yarap leh ya ki wakreh ka chnat i chait i khiah.
Kiwa boon ki chnong hapoh ka District da man ki kiwa chimkhia wow sikai u pynsñiawthooh kamjooh wow sumaar yaki yong ki hi ki bru yow yada nei poor u COVID-19.
Discussion about this post