Ynne ka sngi da yoh u sakhi yeiwa pynjra doh ki khynnah ka West Jaiñtia District Association (WJDSA) ha Kiang Nangbah Stadium chwa wow mih ki na Jowai wow yakhun ha ka lympung Meghalaya Games 2024.
Kani ka Lympung toh kawa daw man ha Tura nadooh ka 15 tarik uni u bnai.
Ki khynnah ka WJDSA daw yakhun ki yalehke kiwa kynthup ya ka Volleyball, Archery, Basketball, Athletics wa Football.
Ki kynthai wow lai yakhun em ki 16 ngut wei daw em mar samen u Coach wa Manager, kamjooh leh ki chynrang u em ki 16 ngut chirup wa u Coach wa Manager.
Hawa yaklam wa u Vice President ka Association, u Patrick Lamare da ong u wa i pynkhreh ki khynnah da sdang i na u Kmaichonglad (Dec), 2023 mar ya pynbna ya ki tarik wow man kani ka lympung.
Da yooluti u leh wa ki khynnah daw wanrah naam ki yaka District kamwa da jooh leh ki ha ki por wa dadep.
Neiliang ka Eiladki Ksoo kawa man ka Captain ka Under-18 Girl’s Football Team da ong ko wa da kreh chitom ki wow wanrah ya i naam yaka District ha kani ka lympung deiwa emlang u Blai chirup wa ki.
Discussion about this post