Ki Scientist wa em ha India dang yaleh ki wow chna ya ka rukom Test ya u COVID-19 iwa thymme da kawa man kam ka kyjna kot namo ka Paper-Based Test kawa tohdor kawa yasariem hawa Test yei punkhon.
Kani ka Test toh kawa pynemkaam yaka Gene-Editing Technology kawa tip kam ka Crispr heiwa ya kani ka Test da e pyrtuid ka Feluda kawa daw yoh Result hapoh chikynta wei kawa chong dor T. 500.
Ya kani ka Test da chna daka TATA wei lada krehkaam ko, u man ko ka nyngkong dooh kam ka Paper-Based COVID-19 kawa yei u pynemkaam ki paidbah.
“Kani ka Test man ko kawa suk u pynemkaam, kawa tikna, kawa ye u chaniah, kawa suk u chna wei kawa toh dor,” da khana u Professor K Vijay Raghavan yaka BBC uwa men leh u Principal Scientific Adviser ka sorkar India.
Kiwa thooh bniah ya ini haka CSIR-Institute of Genomics and Integrative Biology (IGIB) wa em ha Delhi i thaw wa da chna yaka Feluda wa da dep ki wow pyrchang ya kani ka Test ha ki 2,000 ngut ki bru wa kynthup leh ya kiwa yoh ya uni u khñiang.
Da chem ki wa kani ka Test toh kawa bniah hadooh 96% wei kawa tikan 98%. Ya i tikna toh ha ki ar bynta kawa ye u pyntikna kiwon kiwa yoh ya uni u khñiang wa kiwon kiwa ym em yoh.
Ini toh yow pyntikna wa ym mih wa ya kiwa yoh ya uni u khñiang kam kiwa ym em yoh katwa ya kitu kiwa ym em yoh kam kiwa yoh.
Kani ka Feluda Test kawa pynemkaam yaka Crispr-Clustered Regularly Interspaced Short Palindromic Repeats kawa ini wadep da em arngut kiwa da yoh yaka Nobel Prize haka Chemistry kiwa pynemkaam yaka Crispr.
