U Chief Minister ka Assam, u Himanta Biswa Sarma da ong u wa ka sorkar da pynkrehkaam ko ya ka Illegal Immigrants (Expulsion) Act wow pynuiñ ya ki Bangladeshi wa wan psiah tooh chapoh ka jylla.
Da ong u wa ki DC da embor ki wow leh wut-wut yeiwa emkaam pyrchah ya kiwa wan psiah tooh khamtam lada chem wa wan ki na baar ri da ka yung bichaar.
Hadien ini daw e kti ya ki ha ki pulit næ BSF wow pynuiñ ya ki cha Bangladesh, da ong u Himanta.
Ha iwi won i liang, u Himanta Biswa ynne da ong u wa da sdang wan biang i chongsuk ha West Karbi Anglong hadien wa mih i awri la kamwa ar sngi.
Da ong u wa waroh arliang katni da klam pynbait ki yei kaam wei ki heh sorkar leh dang em ki ha ini i thaw wow pyntikna wa neh i chongsuk.
Chooh chooh da pyntikna u wa em ar ngut kiwa yap ynnin heiwa uwi toh nei siat ki pulit katwa uwi won hadien wa chah thang ki yung wa ki dukan.
Da ong u leh wa em 2-3 ngut kiwa da mynsoo wei ki bor pulit leh dang em hi ki ha ini i thaw.
Discussion about this post