Ka Delhi High Court ynne da pynksan ko yei rai ka sorkar pyrdi wow khang chipor ya ka Telegram chwa ka NEET-UG Re-Examination wow man ha ka 21 tarik uni u bnai.
Hawa e i rai hadien wa bichaar ya ka mukotduma, u Justice Tejas Karia da ong u wa ka sorkar pyrdi da leh ko yeini deiwa bood ya ki kyndon ka Section 69A yong ka Information Technology Act.
Da ong u wa i leh ka sorkar toh wow khoom u kdoh wei wow pyntikna wa lai bait i leh Exam.
Ka Section 69A yong ka Information Technology Act e bor ko ya ka sorkar wow khang yei pynpoor khubor Online lada em i daw wa khor.
Yeini da leh hadien wa chong pyrkhat ka Review Committee kawa da tyrwa ya ka sorkar pyrdi wow khang ya ka Telegram chipor.
Ka sorkar da khang ko ya ka Telegram nadooh ka 16 tarik hadooh ka 22 tarik kawa man ka sngi wow pyndep ya ka NEET-UG Re-Examination hadien ka ‘Paper Leak’ wei pyndam ya ka Exam kawa dadep wow pynman ha u May.
Discussion about this post