Pynku ka sorkar ya ki sngi chim chuti cha 30 sngi yow yarap ya kiwa yaleh Sports

Ki Montri ka sorkar jylla ynne ka sngi da mynjur ki yei rai wow kyrriah noh ya ka Police Reserve kawa em ha Jail Road cha chnong Tynring kawa haap hapoh ka New Shillong.

Hawa klam wa wa ki laad pathai khubor, u Montri uwa man leh kam uwa e ktien ka sorkar MDA-II, u Paul Lyngdoh da ong u wa kani toh ka luti wa da chim ka sorkar wow pynduna yei khynnia hapoh ka sor Shillong.

Da pyntip u leh wa kani ka thaw thymme toh kawa heh 50 Acre.

Da khana u leh wa ka thanat wa em marjan wa ka Police Reserve leh daw kyrriah noh ka cha Tynring, wei hadien won daw pyrkhat kammon wow pynemkaam ya ka thaw wa em ha Jail Road.

Related posts

Daw phah ka sorkar ya ki bru wa chemphang yow lai cha ki le tylli ki ri yow chem yei tre wa mih ki jaitbru ka Meghalaya

February 23, 2026

Kwah ka sorkar wow pynkhian ya i thaw wow tih mooyong na ka 100 Hectare cha ka 10 Hectare

February 23, 2026

Ha kawi won ka liang, da pyntip u leh wa da pynboon ya ka chuti wa kyrpang (Special Casual Leave) kiwa kreh sorkar na 15 sngi cha ka 30 sngi ha ka chi snem.

Da ong u wa ini i rai da chim neibynta wow e laad ya kiwa kreh sorkar kiwa jooh yalehke ha kiwa boon ki jait yalehke waphær waphær ha ki kyrdan waphær waphær nadooh ka National wa International.

Ki por wa pynemkaam hawa lai luti cha kini ki thaw yalehke u kheiñ ki kam ki ‘On Duty’.

Chooh chooh da ong wa kani man ko leh kam wow pynchlur ya kiwa boon kiwa kreh sorkar kiwa da pynkhreh wow chimbynta ha ka National Games 2027 wa daw pynman ha Meghalaya.