Ka Government Girls Higher Secondary School Jowai ynne ka sngi da sdang ko ya ka Annual School Sports meet wa ar sngi yong ka ha Kiang Nangbah Stadium, Jowai.
Ya kani ka Annual School Sports Meet da wan wow wai da u Deputy Commissioner ka West Jaiñtia Hills District, u A.K. Singh.
Kani ka Sports Meet ha uni u snem man ko leh chibynta i lehkmen ya ka lyngkhooh dap snem 50 ka skur namo ka Golden Jubilee.
U Deputy Commissioner hawa klam da e khublei kyrpang u ya ka skur heiyatoh i khynjoh ko cha u moomær dap 50 snem i lai luti yong ka wow e chakri lyngba i stat i tip, kamtæ kyntu haroh u ya ki khynnah skur wow man kiwa kreh chitom wei kiwa kaap bait chaphrang hanla hap u maad ya chiboon i eh i khoo.
Chwa ini da yoh i klam pdiang kamjooh i khana ya ka parom ka skur da ka Dr. Wa-i-sa Sumer, In-charge Principal ka skur, kamjooh i e sñiawbha pdiang burom na ka Vice Principal, ka Valency Lamare.
Ya ki khynnah wa chimbynta hei yakob yaleh Sports waphær waphær da bhah ya ki haki 5 tylli ki dhab wa kynthup ya Lily Group, Lotus Group, Petunia Group, Pansy Group wa Rose Group.
Discussion about this post