Jowai: Ka Dorbar Chnong Loomiongkjam ynnin ka 14 tarik da pynkup burom ko ya ki khon ka chnong kiwa da wanrah naam rah burom yaka chnong kiwa da poi chakhmat haki exam waphær waphær ha u snem 2017.
Ya kani ka pynkup burom da tip ka “Fourth Loomiongkjam Meritorious Award 2017” ha ka yalang wa pyllai da u Waheh Chnong u Dr. D.I. Kjam ha Yungwalieh ka chnong.
Katkam i ktien yahkhmat na ka Wanlana Challam da ong ko, ini i pynkup burom man i kam chi bynta i yachem lang ki khon ka chnong, nalor wow e mynsien ya ki wow rap lehbha chooh chooh ki cha khmat, wei man ko leh ka bynta wow pynchlur ya kiwi ki khon ka chnong u kreh chitom ki ha kiwa boon ki liang.
Ha kani ka sngi da pynkup burom ymdu yaki khon ka chong kiwa pass bha tangwa da pynkup burom leh ya kiwi kiwi kiwa da wanrah naam ha kiwi ki kaam wa bha hapoh ka chnong ka thaw da u CEM ka JHADC u Andrew A. Shullai uwa da wai leh ya u Moo Sahnaam u waheh (L) Roskil Challam wa da boohnaam ha Yungwalieh kam ka dak u pynsah naam ya ki kaam wa bha yong oo hapoh ka chnong.
Neiliang u kongsan A.A.Shullai hawa e i klam da yaroh u yeiwa ye ka chnong u chim ya kani ka lyngkor wa emkaam, wei da kyntu ul eh ya ki khynroo khylood u rap lehbha chooh chooh ki chakhmat neibhah i naam wa rah ki ha kani ka kynti ym em poi i chawa kut tangwa chakhmat dang boon iwa ye ki u leh. Da ong u leh wa ka pyrthai katni ymtoh de kam nachwa heiwa haap yabeh yakhun chakhmat yow poi chaka thong.
Hei yatoh won waka Dorkhat (Memorandum) wa da kyrpaad ka chong wow yarap poisa neibynta u pynku kyrdan yaka skur Pohmusiang chaka Secondary Level yow myntoi ki khon ka chnong, da kular u wow e yarap kat iwa joh wa jam neibhah da em hi ka Project wada thmu u wow e yarap yaka chnong.
Da pynphooh pynphieñ la ya kani ka sngi dei Chaad naki manbei ka chnong, kamjooh ki khon ka Niamtre Committee wa kiwi kiwi.
Discussion about this post