Jowai: Ka Dorbar Chnong Lumshnong, EJH kawa da da chong yalang ha kani ka 14 tarik uni u bnai da rai ko wow e i kyrchaan ya u Skindro Dkhar u wow man kam u kyrtong wow yaleh ya ka Election MLA 2018 kam u kyrtong samen namo u Independent Candidate.
Hawa e i klam u Waheh Chnong, da kyntu u ya waroh ki paidbah kiwa chong chnong wow kyrchaan ya u Skindro Dkhar khnang wow poi ha ka thong wa jop wa kawa emburom.
U Skindro Dkhar toh u khon wa le u tynde u Friday Bthuh wa ka Weris Dkhar wa na Lumshnong, Elaka Narpuh, EJH.
Da wan u leh na ka manyung wa dooh kawa kreh chitom wei kawa em burom ha ka thaiñ Narpuh wa ha ka East Jaiñtia Hills District heiwa da mih ki Doctor, Engineer, Pastor wa kiwi kiwi.
U Skindro Dkhar da iehnoh u yei kaam wa kreh u hapoh ka sorkar kam u U.D.A na D.C Office East Jaiñtia Hills District Khliehriat lyngba ka Voluntary Retirement Scheme heiwa da e u yei chakri kamwa 30 snem kattu.
Ka chnong da pynsñiaw ko yei mynsien wa kmen wa mih kam uni u bru naka thaiñ Narpuh, Nongkhlieh – Sutnga- Sumer & Saipung wow e u i chakri ya ki paidbah.
Kani toh katkam wa pyntip u Joining Dkhar.
Discussion about this post