theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Pynkup burom ka East Jaiñtia ya kiwa sikai skur

Ka lehkmen ya ka sngi wa kyrpang kiwa sikai namo ka 61st Teachers’ Day da pynman leh ha Khliehriat West Community Hall, East Jaiñtia Hills District, Khliehriat ynnin ka sngi da ka yung krehkaam u District School Education Officer, East Jaiñtia Hills District, Khliehriat waka yung krehkaam u Sub-Divisional School Education Officer, East Jaiñtia Hills District, Khliehriat.

U Kyrmen Shylla, Montri ka Social Welfare Department, Revenue and Disaster Management Department da man u kam u kongsan katwa u Abhilash Baranwal, Deputy Commissioner, East Jaiñtia Hills District da man u kam u symbood kongsan. Da emlang leh u O. Sumer, BMC Saipung Block, ka T.R. Challam, BMC Wapung Block, u S. Gympad, Sub-Inspector of Schools, Khliehriat wa u Dr. P. Nongtdu, Principal, Jaiñtia Eastern College.

U Kyrmen Shylla hawa e yei klam da ong u wa ya ka Teachers’ Day da lehkmen man-u-snem yow pynyoo yei sñiawngooh ya kiwa sikai wei da yaroh u leh ya u DC uwa da kreh chitom wow wanrah yei kylla wa bha hapoh ka District nadooh ka puræ puthi wa ka yalehke Sport.

Da e khublei u leh ya waroh kiwa sikai kiwa kreh khlem chong ngiah yow pynku ya ka imlang sahlang waka ri waroh kawi wei da kyntu u leh ya kiwa sikai kamjooh ki bor sorkar wow ya krehlang yow pynku ya ka District liang wa nang. 

Neiliang u DC da ong u wa i kreh kam kiwa sikai toh iwa emburom bha wei kam ka imlang sahlang leh da yooluti ki chiboon na kiwa sikai yow ye ki u e yeiwa bha tam deiwa pynrap wa kiwa sikai leh toh u yoh ki yei yaroh yeiwa da leh ki neibynta ka imlang sahlang.

Da pyntip u leh wa da leh ya kiwa boon ki kaam hapoh ka District kam wow wanrah ya ki Smart Classes ha ki kattu katni ki skur kiwa daw pynpoi leh cha kiwi ki skur ka District deiwa pait chwa kammon yarap ki ha kini ki skur. Da pyntip u leh wa daw sdang noh ya ka Digital Learning ym slem de.

Ha kani ka yalang neiliang, u Kyrmen Shylla da saam u leh ya ka District Award cha kiwa sikai ka District heiwa ka Tasiana Kympat, B.A. (Hons) B.Ed, Assistant Teacher, Tluh Secondary School da yoh ko neibynta ka kyrdan Secondary. Ka Draitis Paslein, Assistant Teacher, Pala UP School da yoh ko neibynta ka kyrdan Upper Primary katwa ka Rufina Kyndait, HSSLC, Assistant Teacher, Dkhiah Government LP School da yoh ko neibynta ka kyrdan Lower Primary.

U DC da saam u ya ka naam Best District Scout Master Award cha u Mondaystar Nongtdu, A/T Sutnga Government UP School, Sutnga wa ya ka naam Best Guide Captain cha ka Laxmi Sarkar, A/T Star Public School, Lumshnong.

Ha kani ka sngi da yoh leh yei chaad tynre wa ki rwai na kiwa boon ki skur ka District. Kiwi de kiwa klam toh u L.S. Lyngdoh, I/c District School Education Officer (DSEO), East Jaiñtia Hills District, Khliehriat, ka P. Dkhar, SDSEO, East Jaintia Hills District, Khliehriat wa u Salanbor Kmar, Co-Ordinator, DMC.

Share this:
Previous

Khlaad noh u Ma Nishwa War

Next

Thung ka BJP ya u Lakhon Biam kam u State General Secretary