Pynkup burom ka Govt. Boys’ HS School ya ki khynnah wa da wanrah burom ya ka skur

Ka Government Boys’ Higher Secondary School (GBHSS), Jowai chirup wa ka NSS Unit, ha ka 16 tarik da pynkup burom ko ya ki khynnah wa rah burom ya ka skur ha ka ri, ka jylla, ka District wa ha ka yalehke National-Level Kala Utsav 2025.

Ya ka yalang da pynlai da ka Diamond Paswet, Senior Lecturer kawa man leh ka Programme Officer, NSS Unit, GBHSS Jowai, hei emlang ka Principal, kiwa sikai wa kiwi. 

Ki ar ngut ki khynnah wa kynthup ya ka Riwanka Pde na Government Boys Higher Secondary School, Jowai, wa ka Wymhasa Gympad na ka NSS Unit Govt. Boys’ Higher Secondary School Jowai, da chah pynkup burom ki hadien wa chah jied ha ka bor District ka West Jaiñtia Hills District wow lai cha Rashtrapati Bhavan, Parliament wa kiwi wow sakhi ya ka Winter Session 2025 ka Parliament.

Da pynkup burom leh ya ki NSS Volunteer, ka Haphilakhamti Suchiang, u Jonathaniel Pakma, u Pynkhamti Pohleng wa u Yohannah Dkhar wa mihkhmat ya ka Govt Boys’ wei da jop ki ha ka Kala Utsav State-Level Competition 2025 kam chibynta wow kitbok ya ki ha ka National-Level Kala Utsav Competition ka wow man ha ka 17 hadooh 24 tarik uni u bnai.

Related posts

Ya tyrrah ki kari wa synraan ya u Rahul Gandhi ha ka Expressway

October 26, 2026

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Neiliang ka Principal da e khublei ko ya kiwa chah pynkup burom deiwa kitbok leh ya ki.

Ka yalang da kut ko da ki kyntien sneiñ na ka Principal, ka J.J. Kyndiah wa na ka Programme Officer, NSS Unit.