Pynkup burom ka HBDRF ya kawa chlur u pynyoo nia ya ki pulit Assam heipor Election

Ka Hynñiewtrep Border Dispute Redressal Forum (HBDRF) ha ka yalang wa da pynman ko ha ka 24 tarik uni u bnai ha Mihmyntdu, West Jaiñtia Hills District, da pynkup burom haroh ki ya ka Da Ailang Suchiang kawa na ka chnong Mowjem hajrong i chlur ko u pynyoo ñia wa ki pulit Assam heipor wa thmu wanrah ki ya kiwa yahkhmat chnong wa ki bru paidbah yow lai thap Vote cha Assam ha kani ka MLA Election wa dang dep ka Assam.

Ha kani ka sngi da pdiang leh ya ki dkhot thymme ka Forum kamwa chiphaw ngut.

Neitæ da rai haroh ki wow lai e dei thoh cha ki 60 ngut ki MLA neibynta u pynpsiah wei tipmit ya ki chnong ki Pnar kiwa em ha Elaka Labang Nangphyllut (Block-I) chapoh ka jylla Meghalaya kamwa da dep pynim ya kani ka Elaka da ka Jaintia Hills Autonomous District Council (JHADC) wei da e Sanad leh ya u Acting Dolloi, ki Waheh Chnong wa ki Notification wow tipmit ya ki chnong ki thaw.

Related posts

Chah beh kiwa leh Census na Assam ha Mukroh

September 14, 2026

Yap uwa tynyap wei ah lyngkhot ya ka kurim ha Guwahati | Em wa ong nohyap em wa ong chah siat ha ki pulit

September 14, 2026

Da rai ki leh wow pynman da ka Sit-in-Demonstration ha Shillong kam ka dak u pynbor ya ka sorkar wow pyndep smat yei kaam wei ya ka tarik wei por daw pynbait won.