Ka Jalapang Sport Club da pynkup burom ko ya kiwa yalehbol yong ka hadien wa da yoh ki u rah ya ar tylli ki Final yong u snem 2024, kawa nyngkong da yoh ki wow jop ya ka Inter-Dong Football Tournament wa da pynman da ka Wahiajer Sport Club, ka wa ar won da yoh ki u rah ya ka 8th Invitation Knockout Football Tournament wa da pynman da ka Wahiajer Sport Club.
Da pynkup burom leh ya u Marlangki Suting uwi na kiwa yalehke ka dong Jalapang uwa man leh uwa yalehke wa pawnaam ka Meghalaya heiwa lyngba yong oo da yoh ki khon khynroo ka Jalapang Sport Club u bood ya ka luti wa da yah u deiwa e cha oo da ka muhor sahkynmoo deiwa pynkup leh da ka ryndia tlem.
Ya kiwi kiwa yalehke ka Jalapang Sport Club da e sñiawbha da ki Tracksuit deilang waka pisa.
Da wan wow pynkup burom ya kini kiwa yalehke da u Andriew Sari uwa man u General Secretary ka Dorbar Chnong Wahiajer deiwa emlang u Chairman Dong ka Jalapang, u Demanroi Phawa chirup wa ki dkhot ka Jalapang Sport Club wei da pynlai ya ka yalang wa tbian da u President ka Club, u Dauni Phawa.
Discussion about this post