Ka Jaiñtia Students’ Movement Central Body lyngba ka Education Cell ha kani 4 tarik, da yoh ko wow pyman biang ya ka pynkup burom kawa tip kam ka 3rd Academic Excellence Award 2021 ha ka yalang wa pynman ha Jaintia Eastern College, Khliehriat cha ki 22 ngut ki khon khynroo ka Ri-loom Jaiñtia kiwa ye u yoh 80% chaneiñ ha ki Exam SSLC wa HSSLC 2021.
U Leningstar Rymbai, President Rangbah ka seiñ da ong u wa kam kiwa lai puræ hap ki wow booh thong wei da kyrmen u wa hadien kattu katni snem daw man ki kam ki sahep wow chakri ha ki kaam imlang sahlang.
U Dr. P. Nongtdu uwa man u Principal ka Jaiñtia Eastern College, Khliehriat hei klam yong oo da kitbok kitrwiang u ya ki khynroo khyllood wow man ki kiwa kreh chitom yow poi cha ka thong, deiwa kyntu ya ki bei ki pa wow pynchlur ya ki khon wow jied ki u puræ ya ki ya iwa sñiawsuk ki ym toh wow pynbor ya ki khon wow jied da i wym kwah ki.
U B. Papang Assistant Professor, (HoD Commerce Dept.) Jaiñtia Eastern College, da ong u wa kam kiwa lai puræ toh u tip ki wow jied ya ki laiñ puræ waphær waphær kam ki Hotel Management, Hospitality wa kiwi kiwi deiwa batai bniah wow tip u jied ya ka laiñ lai puræ lada kwah ki wow lai puræ Doctor, Engineer wa hap u chim da ka Science Stream, wei lada kwah ki wow tip ya ka synchaar khadar yong ka ri toh u puræ ki ya ka Political Science wei da pynchlur u leh ya ki khynroo khyllood wow man ki kiwa minot wa kiwa kreh chitom hadooh wow yoh u khait ya u soh wa thiang ha i im yong ki.
Kiwa chah pynkup burom man ki kamni ha wah:
- U Pyrtulang Dihar
- U Kevinnash Phawa
- Ka Yvonne Dameka Susngi
- U Jerryme Khongdup
- Ka Diwari Akor Thoo
- U Jewelson M Sulam
- U Danhi Rymbai
- U Daebor Susngi
- Ka Anisha Phawa
- Ka Sniawbhalang Dkhar
- U Wanteibok Pater
- Ka Melody Symblai
- Ka Iudaris Lalooh
- Ka Youfreesia Dkhar
- Ka Felicia Barch
- U Pynskhemlang Shylla
- Ka Evakordor Dkhar
- U Swedent Kyndait
- U Priestmon Dihar
- U Wanbhabok Phawa
- U Hamphang Sana
- U Ridapmi Phuwa