Ka Jaiñtia Students Movement JSM Wahiajer-Ummulong Area da pynkup burom ko ya ki khynnah wa da lehbha ha ka Exam SSLC wa HSSLC yong uni u snem 2023.
Ha kani ka yalang da emlang u President ka JSM Central Body, u Leningstar Rymbai uwa man kam u kongsan deilang wa u Headmaster ka Achiever Secondary School Ummulong, u Tripleson Muksor, kiwa yahkhmat ka Central Body wei kamjooh kiwa yahkhmat ka Western Region.
Ha kani ka yalang da yoh ya ki kyntien pdiang burom na u President ka JSM Wahiajer-Ummulong Area, u Heihokmi Supuh wa na ki kattu kani kiwa yahkhmat ka seiñ.
Neiliang u Leningstar da kyntu u ya waroh ki khynnah wow yaleh pyrchah ki nei chah kdoh chah khoom ha ki Social Media khnang yow ye ki u pyndep yei kaamram yong ki kam kiwa lai puræ ka dong ka thaaiñ.
Kamjooh leh kyntu u wa ymhoi u mylliñ yei sneiñ ka bei u pa ki chrot ka yung ka sem khnang yow nang ye ki u ku chaphrang hei lai luti ki hawa im ki.
Da pynkut ya ka yalang da ki kyntien khublei wei kitbok kitrwiang na u Secretary ka JSM Wahiajer-Ummulong Area, u Rihokbhami Dhar.
Discussion about this post