Ki 29 ngut ki Doctor na Meghalaya kiwa da pyndep ki yei chah sikai pynpliah, da pynkup burom ya ki ha Kasturba Gandhi Hospital, Chennai da ka sorkar Meghalaya wa Tamil Nadu.
Kini ki Doctor da pyndep ki yei chah sikai wa 6 bnai wa kynthup ya ka Comprehensive Emergency Obstetrics Care (CEmOC), Ultrasonography, ki Life Saving Anaesthetic Skills wei ini waroh man ko kam chibynta ka soskular wa da dep yasoi hapyrdi ki ar jylla yow pynbha pynpliah yei sumaar sukhær.
Ha kani ka pynkup burom da emlang leh u Thiru. Ma Subramanian, Health Minister ka Tamil Nadu waka Dr. M. Ampareen Lyngdoh, Health Minister ka Meghalaya.
Ka Dr. Ampareen hawa e yei klam da ong ko wa ini i ya krehlang toh neidaw wa sñiawthooh yei emkaam wow pynpliah ya i chakri ki Community Health Centre ha ka jylla kiwa daw pynman noh kam ki First Referral Unit ki wow e yei sumaar sukhær wa biang ya kiwa chong chnong ka Meghalaya.
Da ong ko wa kini ki 29 ngut ki Doctor wa da pyndep ya ini i chah sikai pynpliah toh yow ye ki u man kiwa da chemphang hawa pynkha khon wa kiwi de ki kaam iwa daw pynchlur leh ya ki paidbah wow wan cha ki thaw sumaar sorkar wei ini da ye wow leh deiwa ya krehkaam lang waka sorkar Tamil Nadu kawa da bna naam heiyatoh wa ki kaam e sumaar.
Kani ka soskular toh kawa da dep ya soi ha u Naikynde u 2022 yow yarap kylliang wow pynkylla dur yei rukom e sumaar.
Puræ leh: Soi soskular ka Meghalaya waka Tamil Nadu yow pynbha pynmiat yei chait i khiah
Discussion about this post