Ka KSU-EJHDU da pynkup burom wei e yarap ko ya ka Pretty Chyrmang kawa na Jalaphet kawa da yoh Takma Ksiar ha ka 3rd Meghalaya State Level Karate Champion kawa dang dep pynman ha Shillong ha ka 12 wa 13 tarik u bnai wa dep.
Ka seiñ da dap ko dei sñiaw sarong wa ka Pretty da chah jied ko leh haka Meghalaya Sports Association wow mihkhmat yaka jylla cha Jharkhand. Kamtæ ka seiñ da pyne-eh-daw ko yow nang kreh chitom chooh chooh yow yoh rah naam rah burom ko yaka jylla wa kamjooh ya ka jaitbru waroh kawi.
Ha iwi won i liang ka seiñ da dap ko dei sñiaw phylla wow sñiaw yei khana kani ka khyllood wa da chah jied ko wow mihkhmat yaka jylla cha Jharkhand tangwa ym em yoh yarap ko naka sorkar jylla.
Ka seiñ lyngba ka Sports Committee da kyrpaad joor yaka sorkar kamjooh yaka Sports Department wow yarap ki ya kiwa mihkhmat yaka jylla khnang wa ka jylla yong i u ku ar chah le chah haki kaam yalehke Sports khnang wa kiwa em sap ym kut i lai luti ki chiteiñ por ha ki kaam yalehke.
Discussion about this post