Ka KSU Namdong Area Unit ynnin ka sngi da pynkup burom ko da ka 4th Mait Shaphrang Excellence Award ya ki khynroo khyllood kiwa da lehbha bha ha ki Exam waphær waphær u snem 2024.
Ya ka yalang da pynlai da u President ka Namdong Area Unit, u Kitboklang Lamare deiwa emlaang nadooh u President ka Nartiang Circle, u Chanbor War, u Office Secretary WJHDU, u Leonard Dhar, u Organizing Secretary, u Ewanmi Phawa, u Waheh Chnong ka Namdong-B, u DS War wa kiwi kiwi de.
U Laitphar Syngkrem, President ka KSU West Jaiñtia Hills District Unit kam u kongsan hawa e yei klam da ong u wa ka jaitbru Ynñiawtrep dang duna kiwa ksoh ya ki kaam synchaar hapoh ka jylla yong i khamtam ha ki kyrdan waheh kam ki IPS wa IAS kiwa boon wa ksoh da ki baar jylla.
Kamtæ ka KSU chim ko ya kani ka luti wow e khusnaam cha ki khon khynroo ka Bri u Ynñiawtrep kam wow pynclur wei e mynsien wow yaleh chitom yow poi chakhmat.
Da kyntu u leh ya ki khon khynroo wow dang yaleh chitom chooh chooh wow minot khop khnang yow poi cha ki kyrdan wa rap chaneiñ deiwa ri ya ka akor burom.
Discussion about this post