Ynni ka sngi, ka KSU Narpuh Circle da yoh ko wow pynkup burom ya kiwa lai puræ ka thaaiñ Narpuh kiwa da lehbha ha ka puræ puthi deiwa yoh 1st Division ha ka Exam SSLC, HSSLC, Degree wa Master Degree yong u snem 2024.
Kani da man ko ka sien wa 13 wa da yoh wow leh yeini i pynkup burom deiwa wan sakhi kam u kongsan da u Streamly N Suchen, President KSU EJHDU wa u Cherity Suja, Asst. Finance Secretary KSU EJHDU kam u symbood kongsan.
Da emlang leh ha kani ka sngi wa u Principal ka Christian Secondary School Lumshnong, u G. Khonglah deilang ki khynnah kani ka skur.
Neiliang u kongsan hawa e yei klam da ong u wa ka KSU nadooh wa da seiñ ya ka toh hajrong ka yurim wow kyntu ya ka puræ puthi wei hadooh katni leh ka seiñ dang yieñ ko ha kani ka jooh ka yurim.
Waroh da em 28 ngut kiwa da chah pynkup burom ha kani ka yalang.
Discussion about this post