theme-sticky-logo-alt
theme-logo-alt
Advertisement ad1
Advertisement ad1

Pynkup burom ka KSU ya kiwa rah naam ya ka chnong Ummulong

Advertisement ad1

Ka KSU Ummulong Unit ha ka 20 tarik uni u bnai da pynkup burom ko ya 9 ngut ki khynnah kiwa poi chakhmat ha ka SSLC wa HSSLC Exam 2022 wei kamjooh leh ya kawi wa da pyndep ya ka PhD na ka Education Department, NEHU wei kamjooh ya uwa da yoh yei naam jop ha ka 2nd Meghalaya Bodybuilding Championship ha ka kyrdan 5’4″ Category.

Ka KSU dap ko dei kmen wa da yoh u pynkup burom ya ki khon khynroo khyllood ka chnong Ummulong kiwa wanrah yei naam hapoh ka chnong.

Advertisement ad1
Advertisement ad1

Hachwa u saam ya kani ka khusnaam da em ka yalang wa tbian wa pynlai da u C.R. Sana, Education Secretary, KSU Jowai Circle wei da yoh yei klam na u Ioannnis Suchiang uwa man kam u President yong ka Jowai Circle uwa da ong wa ym toh u mylliñ ya ki khon ka chnong wa poi chakhmat.

Da yoh leh yei klam na ka Toba Lamare kawa da pyndep ya ka PhD kawa da kyntu ya ki khynroo khyllood wow man kiwa minot hadooh wa poi cha ka thong.

Da yoh leh yei klam na u Leningrad Tariang, GS KSU West Jaintia Hills District Unit uwa da pynchlur ya kiwa da pyndep ya ka puræ puthi wow beh ya ka thong wei wow kynmoo ya ka burom ka akor wei wym toh u mylliñ ya ki bei ki pa kiwa kreh chitom miet wa sngi yow pyndap neibynta yong ki neibhah ka burom ka akor toh kawa tam.

Da yoh leh yei pynyoo dohksah na u Luckyman Kynjing uwa da yoh yei naam jop ha ka 2nd Meghalaya Bodybuilding Championship 2022 Under 5’4″.

Share this:
Previous

Em wa ieh ya kawi ka Passbook ha iwi i dukan

Next

Jied Waheh Chnong thymme ka Shangpung Mission