Jowai : Ynne ka 25 tarik ka Women Welfare Organisation yong ka kur Sookpoh Khad-ar Wyrnai da pynkup burom ko ya u Puramon Kynjing hadien wa da jied ya oo wow man u kam u Dolloi ka Elaka Jowai.
Ya ini da leh ha yung dorbar ka kur wa em ha Chilliangraij, Jowai wei ya ka yalang pynkup burom da pyllai da u Dr. P. Syngkon.
Ha kani ka yalang da e sñiawbha ya oo da u dieñchdooh ya uwa da e da u D. Yoowan Syngkon, heiwa da e sñiawbha leh ya oo na ka Chillingraij Unit, Dulong Unit wa ka Moodymmai Branch.
Da yoh ya ki kyntien ngooh blai na u Junemon Paswet, i klam na u Lamwan Paswet uwa man leh u General Secretary yong ka kur da ong u wa ha ka kur da em chiboon ki jait niam katwa yei snaam kur won ym em wa ye u sait.
Da yoh leh yei klam na ka Basati Flora Kynjin, i klam na ki wa mihkhmat na ki Branch wa ki Unit waphær waphær.
U Puramon Kynjing hei klam da e khublei u ya ka kur kawa da emlang wa oo ha kiwon kiwon ki kaam.
Ha kani ka yalang da pyllait leh ya ki Ticket Fete yong ka kur da u E.M.H Passah u wa man leh u Kñi yong ka Raij Jowai.
Da pynwyrngia ya ki paidbah da ki rwai na ka Morialda Paswet wa ki chaad na ka Panaliar Unit.
Discussion about this post