Pynkup burom ka Kyrmen Foundation ya 3 ngut ki Volunteer kiwa yarap ya kiwa boon ki mynsien bru

Ha ka yachemlang yong ki Volunteer ka Kyrmen Foundation wa tip kam ka 2nd Volunteers Meet 2024 Felicitation & Gratitude, kawa da pynman ha Heaven Cove, Syntu Ksiar haka 19 tarik uni u bnai, ka Kyrmen Foundation da pynkup burom ko ya 3 ngut ki Volunteer yong ka kiwa da yarap bha yaka imlang sahlang heiyatoh wow pynim ya boon ki mynsien bru lyngba i snaam wa da e sñiawbha ki.

Kini ki 3 ngut wa da mih bha chakhmat wow e snaam sñiawbha cha ki bru wa emkaam yarap ha iwon iwon i por toh u Yoohimi Khyriem, ka Janta Dkhar wa u Augustine Phawa.

Ha kani ka sngi da wan sakhilang u Kyrmen Shylla, MLA ka Khliehriat uwa man leh u Montri ka sorkar jylla, u Lasky Rymbai, MDC ka Tuber uwa man leh u Dy. CEM ka JHADC wa kiwi kiwi wa chah khut sñiawbha.

U Lasky Rymbai hawa klam  da yaroh u yei lai luti ka Kyrmen Foundation wa hapoh ki soo snem da leh ko chiboon ki kaam yaka imlang sahlang, wei da pynkynmoo u leh yei kaam wa bha wa da leh ka Kyrmen Foundation haki snem wa da lai khamtam heipor wa em ka khlam COVID.

Related posts

Dawa ka JSM wow kyrriah biang cha Meghalaya na Assam ya ka thaw thoh ya ka Exam ka Staff Selection Commission

April 21, 2026

Lai booh ka Israel da u mot wa thymme u Jisu hadien wa chah tympiah ha u chipai

April 21, 2026

Neiliang u Kyrmen Shylla hawa e yei klam kam u kongsan, ong u hawa em i eh hap thooh laad hi kammon u pynjem yeiwa eh wa khor, kamtæ hajrong kani ka yurim da sdang leh ya ka Kyrmen Foundation, itæ toh heipor wa wan ka klam COVID neidaw wa yoo ki yei eh i khoo ki paidbah wei khlem da yut nei eh da thooh laad ki kammon u pynjem yei jynjar saja ki paidbah.

Ong u wa hei im kam ki bru waroh hap maad yei eh la ha yung ha sem, tangwa toh u thooh laad kammon u pynjem yow hun i mynsien.

Yaroh u leh ya ka Kyrmen Foundation wa kani ka sngi da man i sarong ya ki Volunteer yong ka wa da ye ki u leh iwa bha tam yaka imlang sahlang.

Kyntu u wa hawa yarap ya kiwi toh u pynyoo leh yei dur khmat wa kmen, khang wa kiwa pdiang leh u kmen u sñiawsuk ki.

Wei hawa yarap ya kiwi kyntu u wym toh u man ki bru wa yooluti yoh nong na ki, tangwa i kyrkhu pna wan hi ki nei wym poi pyrkhat ha iwon iwon i por hei rukom waphær waphær.

Ha ka yalang wa pynlai da u Ropos Lyngdoh da yoh i klam pdiang na ka Simi Khongthiang, Secretary Kyrmen Foundation, i klam e khublei na ka Aiti M. Mawlong wa kiwi.