Jowai: Ka Lion Mission Compound Dorbar Chnong, Jowai; ynne ka sngi da pynkup burom ko ya u khon ka chnong u A. Andrew Shullai yeiwa man u kam u CEM ka JHADC.
Ha ka yalang wa pynman hapoh ka Auditorium Hall, neiliang ki dkhot ka Mission Compound kiwa klam ha kani ka yalang kam u P. Kharkongor da ong u wa katwon man i sñiawsarong wa hadien wa pynkup burom ya u Dr. R.C. Laloo heipor wa man u kam u Deputy Chief Minister ka jylla, ynne ka sngi won da yoh u pynkup burom sa ya u Andrew Shullai wa da man u kam u CEM ka JHADC.
Chooh chooh da ong u wa sñiawsarong waka Mission Compound da ye ko u pynmih ya kini ki arngut ki waheh.
Ka V.M. Laloo won hei klam yong ka da ong ko wa hanlada ka Mission Compound man ko kawa khian lada wyrchaw wa kiwi, da man ko kawa eh daw kawa da ye u pynmih ya kiwa ki bru wa khroo wei u Andrew ym du oo samen na yung u kamjooh leh ya ka bei wa u pa kiwa man kiwi kiwa da yarap bha ya ka imlang sahlang.
Da ong ko leh wa u Andrew nadooh nachwa toh uwa smat u yarap ya ka chnong ka thaw wei da yooluti ko wa daw pteiñ u ya ini.
U CEM hei klam yong oo da pynsñiaw u yei sñiawngooh yong oo yei kyrchaan wa da yoh u iwa da ye u pynpoi chadooh i kyrdan wa em u katni wei da ong u leh wa ka luti yong oo toh kawa yah da u Blai heiwa heipor wa dang lai puræ da yoh u ka laad wow lai puræ cha baar ri tangwa ym em man kaam ko wei da uiñ biang u cha Jowai hadieñ wa pyndep puræ wei wow kreh cha baar jylla.
Da ong u leh wa i jop Election yong oo ymtoh de dei bor bru toh dei bor u Blai. Da khana u leh wa heipor wa yaleh Election da em wa kylli ya oo wa kammon da u khon Pastor kwah u psiah cha ka kaam Politics kawa man kawa jakhlia da jubab u deiwa ong wa oo chim u ka kam ka kaam wa kyntang.
Da ong u leh dang sñiaw khynnah u ha khmat ki waheh wei dang emkaam u yei sneiñ i khroo yong ki.
Ha kani ka sngi u CEM da pyllait u ya ka kot rwai ka Mission Compound kamjooh ka thup rwai CD kiwa man kam ki sur rwai kutsnem.
Discussion about this post