Ka Max Cement kawi na ki karkhana pynmih khyndaw bilat wa em ha East Jaiñtia Hills ha chnong Nongsning, ynnin ka sngi da pynkup burom ko ya ka skur wa mihkhmat ya ka jylla Meghalaya ha ka U-14 ka Subroto Cup 2022.
Kani ka skur kawa na West Jaiñtia Hills District kawa tip kam ka Roman Catholic Evening Secondary School, Mihmyntdu da poi ko chadooh ka Quarter Final heiwa da rem noh ko ha ka Jharkhand ha ka 11 tarik u Naikhynde da 1-0.
Neiliang ka Max Cement kam wow pynchlur ya kini ki khynnah wei yow pynyoo wa ym em mylliñ ya ki hanla da rem ki leh, da pynman ko ya kani ka yalang pynkup burom deiwa emlang waroh ki khynnah wa lai chimbynta deilang u Coach heiwa da e ya uwi pa uwi da ka song poisa.
Ha kani ka sngi da yoh i klam na u Vineet Agarwal, Vice Chairman Cum Managing Director katwa neiliang ka skur da yoh i klam na ka Tina Lakiang, Principal ka skur.
