Ka Meghalaya Football Association (MFA) ynne da pynkup burom ko ya ka Ri-iohlang Dhar yeiwa chah jied ko kam ka Assistant Referee neibynta ka FIFA U-17 Women’s World Cup kawa daw pynman ha u bnai wow wan.
Yeini i pynkup burom da leh da u President ka MFA, u Hamletson Dohling wa u MFA General Secretary, u Sunesh Syiem heiwa da e ki cha ka Ri-iohlang da ka Cheque kam chibynta wow pynyoo yei sñiawsarong yei kaam wa da leh ko ha ka yalang wa da pynman hadien wa kut ka yachemlang ki Executive Committee ha yung krehkaam ka MFA ha JN Stadium, Polo, Shillong.
U Hamlet da ong u wa ka Ri-iohlang man ko kam kawa e mynsien ya ki khynroo ka Meghalaya heiwa da man ko kawa ar kam ka nong India wow yoh u man Referee ha ka World Cup, kamtæ da e khublei u leh ya ka MFA wa kyrchaan ki ya ka.
Ka FIFA U-17 Women’s World Cup toh kawa daw pynman ha Dominican Republic nadooh ka 16 tarik u October hadooh ka 3 tarik u November.
Ha kani ka yalang da pynbna leh wa ka Meghalaya State League daw sdang ko ha ka 26 tarik uni u bnai.
Da pynbna leh wa ka Meghalaya Youth League daw pynkut ka ha ka 11 tarik u October.
Discussion about this post