Ka My Home India da pynkup burom ko ya u Khroo Lamsalanki Pariat uwa man u bru samen wa kreh monsñiawbha uwa na Jowai ha ka 12th Swami Vivekananda Smriti Karmayogi Award 2025 kawa da pynman ha ka 17 tarik uni u bnai ha Dr. Ambedkar International Centre New Delhi.
Ini i pynkup burom man ko kam wow tipmit yei kreh u Lamsalanki wow yarap ya kiwa khian wa nai wei wow yaleh yow yada ya ka wah Myntdu.
Yei pynkup burom da leh da u Durgadas Uikey, Union Minister of State Ministry of Tribal Affairs ka sorkar pyrdi deilang wa u Ramlal na ka RSS.
Kani ka My Home India toh kawa da sdang da u Sunil Deodhar wei da emlang leh wa u Baldev Raj Sachdeva, President My Home India, Delhi NCR, u Maryoda Paswet, Vice President My Home India wa u Ankit Sagni, Advocate.
Neiliang u Lamsalanki da ong u wa ini man ko i burom ya kiwa kreh Muster Roll, ki Cook cum Helpers PM POSHAN Meghalaya, ki waheh ka Khooid Ya Ka Wah Myntdu wa ya waroh kiwa im wa sah tawiar ka Myntdu.
Da ong u leh wow nang kreh chitrhem neibynta ka imlang sahlang yow chngaaiñ ka katni wa ka mynried ka ri India.
Discussion about this post