Pynkup burom ka Nongtalang College ya ka khyllood wa rah naam ya ka thaaiñ War Jaiñtia

Ka Nongtalang College kawi na ki thaw e sikai wa da pawnaam bha ha ka War Jaiñtia, ynne da pynman ko yei pynkup burom ya kiwa da pyndep yei puræ puthi wa tip kam ka Graduation Day 2025.

Ya kani ka yalang pynkup burom da pynlai da u Mantre Passah wei da yoh ki kyntien pdiang burom na u Rymphaiki Pdiang.

Ka Nongtalang College da pynkup burom ko ya ki khynnah kani ka thaw puræ wa em 40 ngut kiwa da pyndep ya ka Graduation ha uni u snem 2025 kamjooh leh ya ki 4 ngut wa yoh First Division ha ka HSSLC (Arts) na ka MBOSE ha uni hi u snem. 

Ki bru wa da e i klam kynthup i ya u Dr. Ryan Reid Kharkongor (Principal), u Kat Kassar uwa man u Secretary ka chnong Nongtalang, u Hatmin Lyngdoh Giri uwa man u President ka Governing Body ka College wa u Jamshaphrang Pohtam uwa man u MDC ka War Central.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Ha kani ka sngi da pynkup burom kyrpang leh ya ka Ioanna Merry Sumer kawa na ka chnong Mawlong ka Amlarem Civil Sub-Division kawa da yoh yei kyrdan 9th Position ha ka Subject Khasi na ka NEHU yong uni u snem.

Da pynphooh ya ka sngi da ki rwai wa ki chaad tynre na ka thaaiñ wei da pynkut ya ka sngi da ki kyntien khublei na u Medonryngkat Thangkhiew.