Ka Parents Teachers Association yong ka skur Tome Memorial Higher Secondary School, Jowai ynne ka sngi da pynkup burom ko ya arngut ki khynroo pureæ kani ka skur kiwa da lehbha ha ka Result SSLC ka MBOSE wa dang dep pynbna wot ini wa dep deiwa yoh 80% chaneiñ, kitæ toh u Rebornson Siangshai wa u Arpon Kulu.
Ha ka yalang pynkup burom wa pynlai da u Chairman ka Parents Teachers Association u Soomeyo SNS Sayoo, heiwa da emlang nadooh ki manbei manpa ki khynnah skur wa kiwi.
Hadien wa yoh i klam na ki bei ki pa kamjooh na kini ki arngut ki khynnah, ka Sister Teresa Paite kawa man ka Principal ka skur chwa wow ekti yaki tiar sahkynnaam da ong ko, kani ka sngi pynyoo ko yaka dak i kreh chitom kini ki arngut, kamjooh leh i poi ki cha ka thong kamwa da pynkhreh ki, neibhah hawa kwah u yoh yeiwon yeiwon emkaam u kreh chitom.
Neibynta kini ki arngut ong ko ka skur sñiaw sarong ko ya ki, kamtæ pyneh bok ko leh wow nang ye u lehbha chooh chooh chaphrang, deiwa yooluti leh wa kani ka sngi u man ko chibynta wow e mynsien hei puræ wa chakhmat yong ki.
Discussion about this post