Jowai: Kam chibynta yong i chakri ka Rotary Club Jowai, haka imlang sahlang, ha kani ka 24 tarik da chim ko ya kawi ka bynta yong ki mat krehkaam ka Club hajrong wow pynku yei pure puthi deiwa pynkup burom yaki 4 ngut kiwa sikai kiwa da e i chakri u pynyoh i sta i tip ya ki khynnah puræ wa duna i yoh i kot næ kiwa lai skur heipor janmiet.
Kini ki soo ngut kiwa sikai kynthup yaka Cellestina War kawa sikai yong ka skur St. Marry Mazzarello Jowai naduh u snem 1997, ka Thymme Lang Pyrbot kawa sikai yong ka skur Presbyterian Women Night School Jowai, wei da sdang ko yei kam sikai ha kiwa bun ki skur naduh u snem 1989, ka Baiahun Lang Phawa kawa sikai ka Mihmyntdu R.C. Evening School nadooh u snem 2008, waka Winaki Dkhar kawa sikai yong ka Dulong Evening School naduh u snem 2004.
Ya kini ki soo ngut da pynkup burom haka yalang wada pynman ha Infinity Restaurant Conference Hall Jowai, wa pynlai da u President Rtn. B.P.Najiar, chirup i emlang ki dkhot wa kynthup u Rtn. S.K. Lato Vice President, u Rtn. M. Passah wa kiwi.
Yei bynta pynkup burom yaka Cellestina War da pyndep daka Rtn. E.F.Gatphoh Charter President, ya ka Thymme Lang Pyrbot da pynkup burom daka Rtn. T.Lakiang, Chairperson Literacy, yaka Baiahun Lang Phawa da pynkup burom daka Rtn. S.Tariang, Treasurer katwa yaka Winaki Dkhar da pynkup burom da u Rtn. D.F. Majaw.
Discussion about this post