Ka Seiñ Kur Dkhar Jowai Unit da pynman ko ya ka General Meeting haka 19 tarik uni u bnai ha Yungwalieh ka Tpep Pale Dorbar Chnong heiwa da pynkup burom ya ki 3 ngut kiwa da wanrah burom ya ka kur kiwa da pyndep yei puræ puthi yong ki ha ki kyrdan wa rap heh.
Kini ke le ngut toh u Lamshwami Da Oo Dkhar u khon u Moilang Langshiang wa ka Sumarbha Dkhar kiwa na Chutwakhu, Jowai uwa da yoh First Class 6th Position ha ka B.Sc (Honours), Environmental Studies na Shillong College; u Dr. Lincoln Dkhar u khon u Frando Sungoh wa ka Delta Dkhar na Chilliangraij Jowai uwa da pyndep ya ka PhD ha ka Chemistry hajrong ka Thesis- “Synthesis, Characterization and Biological Activity Evaluation of d6 Metal Complexes Comprising n5 and n6 Cyclic-Perimeter Hydrocarbons with Nitrogen and Sulpher Donor Ligands” na NEHU Shillong; ka Dr. Deinichwa Dkhar ka khon u Ram Samati wa ka Paiadakawan Dkhar kiwa na Chutwakhu, Jowai kawa da pyndep ya ka PhD ha ka Agricultural Extension hajrong ka Thesis- “A Critical Study of Modernization of Tribes and Knowledge on Processing of Non-Timber Forest Products in Meghalaya” na ka skurbah University of Agricultural Sciences, Bangalore.
Ya u Lamshwami Da Oo Dkhar da pynkup burom da u Heipor Dkhar uwa man u Finance Secretary ka seiñ kur, ya ka Dr. Deinichwa Dkhar da pynkup burom da ka Chynna Dkhar, ya u Dr. Lincoln Dkhar da pynkup burom da u Harwis Dkhar uwa man u President ka Seiñ Kur Dkhar, West Jaiñtia heijooh i por u kongsan ha katai ka sngi.
Ya kiwa chah pynkup burom da e deilang ka muhor sahnaam, ka song poisa, ka Ryndia tlem yei wanrah burom ki ya ka Seiñ Kur Dkhar-Jowai Unit.
Ya ka yalang da pynlai da u Emerick Dkhar uwa man u Chairman yong ka Seiñ Kur Dkhar Jowai Unit.
Discussion about this post