15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkup burom ka Seinraij Jowai ya 12 ngut ki khynroo khyllood wa leh bha haki Exam waphær waphær

0 Comments
Advertisement ad1
Advertisement ad1

Jowai: Ka Women’s Welfare Organisation yong ka Seiñraij Jowai (WWO-SRJ) ynne ka sngi da pynman ko yaka yachemlang ki khon kynthai ka Seiñraij ha Dorbar Hall ka Seiñraij ha Loompyrdi Iongpiah wei ha kani ka sngi da pynkup burom ko leh yaki khon khynroo khyllood kiwa da poi cha khmat haki kyrdan puræ waphær waphær.

Ha kani ka sngi da emlang nadooh u Pator ka Raij Jowai u Raymon Nartiang, u Arwotki Sumer, General Secretary Seinraij Jowai, ka Meena Laloo Vice Chairperson WWO, ka Mebel Shylla wa kiwi kiwi, katwa u Montri Passah SDO Khliehriat Sub-Division da man u kam u kongsan.

Ki khon khynroo khyllood ka Seinraij Jowai wa chah pynkup burom ha kani ka sngi da em ki kamwa 12 ngut, wa kynthup le ngut haka kyrdan SSLC, ka wi haka HSSLC, 6 ngut haka kyrdan Degree, samen haka kyrdan Master Degree wa haka kyrdan PhD.

Neitæ napyrdi kiwa pass yaka kyrdan SSLC, ka Hakacheini Passah da man ko kawi naka Topper yong uni u snem. 

Kiwa e yei klam ha kani ka sngi kynthup nadooh u kongsan uwa da e ya i yaroh yaka Women’s Welfare Organisation næ ka seiñ kynthai wada ye ko wow pynman ya kam kani ka prokram kawa man chibynta wow nang pynchlur chooh chooh yaki khon ka Seiñraij yow nangku ki hei puræ puthi.

Heijooh i por da kyntu ki ya kiwa yoh Award næ chah pynkup burom wow man kiwa ri yei akor salon wei kreh chitom hei puræ puthi neibhah i puræ næ i tip i stat wym kut ki ha u bru katwa dang em ha sla pyrthai.

Share this:
Previous

Daw pynman yaka dorbar ka Seiñ Kur Synnah Ri-loom Jaiñtia ha Psiar

Next

Kwah ka KHADC wow phah du kawi ka rai hajrong i pynkylla ya ka Sixth Schedule