Pynkup burom ka SMC ka Iooksi Pres. Hr. Sec. School ya 21 ngut ki khynnah ka skur

Ynnin ka sngi, ka School Managing Committee (SMC) ka Iooksi Presbyterian Higher Secondary School da pynkup burom ko ya ki 9 ngut ki khynnah ka skur wa yoh 1^st Division na ki 41 ngut kiwa yaleh ya ka SSLC Exam 2025 wa ya ki 2 ngut kiwa yoh 1st Division ha ka HSSLC 2025 (Arts Stream) wa ya waroh ki 10 ngut kiwa Pass ha ka HSSLC ha uni u snem.

Ha kani ka yalang wa da pynman ha Community Hall ka chnong Iooksi, da yoh leh i klam na u Chairman ka Balang Iooksi, u Tbn H.D. Lapasam, u Tbn D. Nongrum, Principal yong ka skur, na u waheh chnong, u H. Pachiang uwa man leh kam u symbood kongsan ha kani ka sngi uwa da e yaroh ya ki khynnah, ya kiwa sikai kiwa da khreh chitom wow wanrah ya ka Result ka wa miat wa bha.

Neiliang u Tymmen Wasan, u H. Manar uwa man leh kam u dkhot warim yong ka SMC da pynkynmoo u wa kani toh ka sien kawa ar wa da yoh ki khynnah u yaleh HSSLC na kani ka skur wei ha waroh arsien da yoh ya ka 100% ka Pass Percentage, kamtæ da e u yei yaroh ya kiwa sikai, ya ki manbei manpa wei ya ki khynnah skur hi kamjooh.

U kongsan ha kani ka sngi, u Leiki Richard Tyngkan uwa man leh kam u General Secretary ka KSU Kupli Area Circle, da kyntu u ya ki khynnah yow man ki kiwa kreh chitom, wei da pynkynmoo u leh wa toh u kynmoo ya u Blai hachwa u leh ya iwon iwon i kaam.

Related posts

Rah uwi da u pseiñ wa pooh oo cha Hospital

January 13, 2026

Yap sa u Politician wa man kam u Hindu ha Bangladesh uwa em hapoh patok

January 13, 2026

Da pynkut ya ka yalang dei chaad tynre ki khynnah skur ryngkat ki kyntien khublei, kyntien kyrkhu kyrdoh wa ki kyntien kitbok kitrwiang na u Chairman ka SMC.

Da em ryngkat leh ha kani ka sngi wa u Secretary SMC, u C. Tangliang, kiwa sikai, ki bei ki pa yong ki khynnah skur, ki dkhot yong ka SMC ryngkat wa ki dkhot yong ka Village Organisation.