Shillong: Ka chnat Sports and Youth Affairs, ka jylla Meghalaya da pynman ko ya ka yaphyllu yumut namo ka Interactive Session hajrong ka Meghalaya State Youth Policy ha State Convention Centre ynne ka sngi.
Ya kani ka Policy da kyrmen wow wanrah ha u Duyatra (January), 2021 wei daw pynkrehkaam ya ka ha u snem thymme (Financial Year).
Neiliang u montri rangbah ka jylla, u Conrad K Sangma da ong u wa kani ka Policy daw man ko kam ka rynsan ya ki khynroo wow yaklam wei wow yatoh kaam wa yatoh wa ki wei wow pachat ki ya ki buid ki budia yong ki leh kamjooh.
Neiliang u Commissioner & Secretary, Sports and Youth Affairs Department, u Dr. Vijay Kumar D da pynyoo (Presentation) deiwa ong wa ka jylla Meghalaya toh kawi na ki jylla kawa boon dooh i chimbynta ki khynroo khyllood heiwa hapoh ka jylla em hadooh 65% kiwa hapoh 35 snem i rta wei ka Youth Policy toh kawa emkaam bha.
Da ong u leh wa kani ka Policy daw wanrah ko ya ki thaw esikai ya ki khynroo khyllood ka jylla.
Ha kani ka sngi da wai leh ya ka Website ka Meghalaya Youth Survey Portal da u montri rangbah wei da pynkup burom leh ya ki le ngut ki khloor yalehke Sports na ka jylla na Ri-loom Khasi, Jaiñtia wa Garo kiwa kynthup ya ka Jidalin Tympuin na West Khasi Hills District, u Batsrang Sangma na West Garo Hills District wa u Sunday Morning Tariang na West Jaiñtia Hills District ya kiwa da pynkup burom da ka Chief Minister’s Sportspersons of the Month Award.
