Jowai : Ka Thomas Jones Synod College ynne ka 7 tarik da pynman ko ya ka Graduation Day ya ki khynnah wa da pyndep ya ka B.A. wa ka B. Com kiwa em kamwa 160 ngut. Ya kani ka Graduation Day da pynman hapoh ka College hei emlang ki dkhot ka Synod u Rev. C.S. Syiem, u Rev. I.U.B Pala u M. Bareh wa kiwi kiwi.
U Principal ka College u Dr. R. R. Kharkongor da pynkynmoo u ya ki khynnah wa ka Graduation ymtoh wa da kut i por puræ tangwa u man ko i sdang chooh i puræ wa cha khmat kamjooh leh yow chem yei thaw yong ki ha kani ka pyrthai.
U Rev C.S. Syiem leh da khana u wa hadien wa pyntip u khon yong oo wa da yoh u ya ka result wa bha ha ka lain Theology oo leh da pynkynmoo u ya oo ka luti toh kawa dang sdang hi eh wei neini cha khmat toh wa sdang thymme yei lai luti ha ka pyrthai.
Ka College ha kani ka sngi leh da pynkyup burom ko ya ki ar ngut ki khynnah yei naam Student of the year u Cherister Lasko wa u Pyniow Damei Syngkon kiwa da jied ya da ki kaam wa leh ki neibynta ka College.
Ya ki memento wa da e cha kini ki arngut toh kiwa da pynbiang da ka IDBI Bank. U General Manager yong kani ka Bank ong u wa dang duna bha ki bru napoh ri-loom Jaiñtia wa kreh hapoh ki Bank wei da pynchlur u leh ya waroh yow jied ki ya kani ka laiñ kreh neibhah man ko ka kreh ka wa dang ku bha na ki sngi cha ki sngi hapoh ka ri.
Ha kani ka sngi leh da yoh yei klam na uwi na ki khynnah wa dang Graduate ha uni u snem u Pyniow Damei Syngkon.
Da yoh leh ki rwai wa ki chaad tynre na ki khynnah yong ka College.
Discussion about this post