Jowai : Ka seiñ All Hynniewtrep People United Front (AHPUF) da kam ko wa ki karkhana ah dieñ (Sawmill) hapoh Ri-loom Jaiñtia dang roi bha ki kiwa krehkaam khlem em yoh ya ki No Objection Certificate, ki license na ka tnat Forest wa ka sorkar jylla.
Yeini i pynkreh be-aiñ ya kini ki Sawmill da chem da ka seiñ wa em leh ki Sawmill wa yoh NOC yow man ki du kam ki Furniture Unit namo ki dukan chna chuki chna miej chna ben wa kiwi tang kini ki dukan Furniture won dai ki leh ya ki pyrthaap ki dieñ soodong wei da challan ya ki cha bar District wei kamjooh leh cha bar jylla.
Kini ki Sawmill be-aiñ kiwa ka seiñ da chem ko toh kiwa em ha ki thaiñ Mowkaiaw, Nartiang-Myngsngad wa cha kiwi ki thaw. Iwa pyn lyngngoh chooh chooh ya ka seiñ, hadien wa dep phah ya ka hukum na ka tnat Forest yow khang lut ya kini ki Sawmill tangwa ym em wa bood ya ka neibhah kini ki Sawmill dang lai bait i kreh ki hadooh kini ki sngi. Kamtea neiliang ka seiñ da suba ko wa emkti lang ki wa kreh Forest wa kini ki tre Sawmill.
Ka seiñ leh pyrchah joor ki ya ki sahep yong ka State Forest wa yong ka JHADC hei yatoh weini i kaam. Da maham leh wa ki ym toh u pyrkhat ki du yaki donhi samen hap pyrkhat lang leh ya ka pateiñ wow bood.
Da pteiñ chooh chooh deiwa ong wa i mih roi kini ki Sawmill da ktah joor bha ko ya ka rymaw heiwa da ah lut ya ki dieñ ki siej khlem pyrkhat de ya ka mynstep mankawi.
Kani toh katkam ka khubor wa pyllait da u Secretary ka seiñ u C. Sungoh.
Discussion about this post