15 49.0138 8.38624 1 0 4000 1 https://wyrta.com 300 0

Pynkup burom ka Tia Chaphrang HSS, Sohkymphor ya ki khynnah wa pass SSLC wa HSSLC

0 Comments
Advertisement ad1

Sohkymphor: Ka skur Tia Chaphrang Higher Secondary School, Sohkymphor, East Jaiñtia Hills, ynnin ka sngi da pynkup burom ko ya ki khynnah skur yong ka, ha pchem ka skur ya kiwa da pass ya ka SSLC wa HSSLC Examination – 2018 wa pynman da ka MBOSE.

Da em hadooh 35 ngut ki khynnah kiwa da yakhun ya ka SSLC Examination uni u snem wei kiwa pass em ki 33 ngut, katwa ha ka HSSLC (Arts) Examination won, na ki 15 ngut waroh kiwa da yakhun heiwa kiwa pass won em ki 13 ngut. Kiwa da wan First Division wei kiwa da yoh Distinction ha ki subject waphær waphær ha ka SSLC em ki 6 ngut, ka Embokshisha Lartang, ka Minasi Lyngdoh, ka Ibanroi Lyngdoh, ka Iakidabiang Langstang, ka Lusanias Lyndoh wa ka Bancyqueen Lyngdoh.

Advertisement ad1

U MH Dkhar, President ka AJYWO-Central Body hawa e i klam ha kani ka sngi kam u kongsan, da yaroh ya u Prostassius Suiam,  u khonswet, u wym em i stat i tip, tangwa neidaw wa kheiñ kordor u yei stat i tip wa i sahdien ka jaitbru, khamtam deiwa kyruiñ cha kiwa dooh wa duk wa ki khonswet khon rangli, da sdang u ya kani ka skur samen ha u snem 2007 dei thmu wow kyntu wei wow pynroi ya i stat i tip ha ka thaiñ Sohkymphor wa kiwi ki chnong wa marjan, khamtam ki khynnah wa wan na ki manyung wa dooh.

Da yaroh u leh yei bha mynsiem u Protassius Suiam wow pynlang boon ngut ki khonswet wow ri u sumaar wei wow pynlai skur ya ki ha kani ka skur u. Da yaroh leh ya ka skur neibhah du hapoh 10 snem,  da kynjoh cha ka kyrdan Higher Secondary wei ki khynnah leh pass bha ki nei kreh chitom u Protassius Suiam.

U symbood kongsan, u Kmenlang Lapasam, Waheh Chnong ka Sohkymphor Mission, hawa e i klam, da yaroh u ya u Protasisus Suiam neibhah kani ka skur yong oo da wanrah burom ko ya ka chnong lyngba i pass bha ki khynnah man la u snem. Da kyntu u leh ya ki khynnah wow pteiñ ki u minot wei wow pteiñ ki yei puræ khang wow yoh ki ka mynried wa tyrchaaiñ.

Ha kani ka sngi da saam cha ki khynnah wa pass waroh da ki Mementos, ki Certificates, wa kiwi kiwi kiwa e mynsien wow pteiñ ki u minot wei wow kreh chitom chooh chooh ki.

Da pynphooh pynphieñ ya kani ka sngi da ki chaad, ki rwai na ki khynnah ka skur kamjooh leh i pynyoo riam tynre wa da pynwandur da ka Seralin Langstang, ka khynnah skur warim kani ka skur kawa dang puræ Fashion & Designing ha Jowai Polytechnic.

Kiwi kiwa da e i klam ha kani ka sngi toh u  Protassius Suiam, ka Waphasan Bareh, Principal, u H. Deolangki Dkhar, Secretary General ka AJYWO-Central Body wa kiwi kiwi.

Ya kani ka yalang da pynlai da u Reachingson Siangshai, u dkhot ka Tia Chaphrang Educational Management Society.

Advertisement ad1

0 Comments

Leave a Reply