15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkup burom ka VDP Padu-Bah ya kiwa pawkhmat ka chnong

0 Comments
Advertisement ad1

Ka VDP Padu-Bah haka 21 tarik uni u bnai da pynkup burom ko ya ki bru pawkhmat ka chnong, kiwa lai puræ wa ki bru rangbah kiwa embynta wow noh sñiawbha da i chakri yong ki ha ki snem wa da lai noh haki kaam waphær waphær kam ha i dawai kynbat, pynkha khon wa kiwi kiwi.

Ha kani ka sngi da emlang u waheh chnong ka chnong, ki bru pawkhmat ka chnong, u C. Pohthmi uwa man kam u kongsan uwa da chong ngiah kam u sahep sorkar hei emlang u President wa u Publicity Secretary ka HYC War Jaiñtia.

U kongsan hawa e yei klam da kitbok u yaka VDP ka chnong, wow nang pyntyllung ki ya ki kaam wa bha yong ki hapoh ka chnong ka thaw. Katwa u President ka HYC War Jaiñtia da kyntu u yaka VDP chnong wow man ki kiwa tipbru tipblai khnang yow ye ki u pteiñ chakri yaka miat ka bha haka chnong ka thaw. Chooh chooh u President ka HYC War Jaiñtia da ong u, “Kam ka seiñ ha kini ki sngi wa da dep da lai e ko dei thoh cha ka JHADC wow tipmit kyrpang ya kiwa sumaar wa e dawai kynbat. Lada ini mankaam ko daw yoh chiboon ki myntoi kiwa sumaar bru wa kiwa e dawai kynbat lyngba ka aiñ khnang wow ye ki u pteiñ yaka chakri yong ki yaki paidpah”.

Ha kani ka pynkup burom kiwa da yoh pdiang yaka Excellent Award man ki kamni ha wah:

1. Arora Mukhim (1st Class Civil Engineer)

2. Dr. Joseph Mukhim (Ph.D)

3. Sanborlang Lamin (I.T Bachelor 2nd Class)

4. Dr. Rymphang Mukhim (MBBS)

5. Bo Tympang Mukhim (M.Tech 1st Class).

Katwa yaka Appreciation Award da yoh pdiang daki 11 ngut ki chynrang wa kynthai wei yaka Mid Wife Award da yoh pdiang daki 7 ngut.

Hachwa wow pynkut yaka yalang, u Tohmondiam Mukhim uwa man u President ka VDP Padu-Bah da e u ya ki kyntien khublei wa i kyrkhu kyrdoh ya waroh kiwa em ha katai ka yalang.

Share this:
Previous

Ku bha kiwa yalehke wa wan na nongkyndong haka Meghalaya Games: MSOA

Next

Palat 2,300 ngut wa yap ha China; poor u COVID-19 cha ki palat 76,000 ngut