theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Pynkup burom ka WJBA waka MPUF ya ki 3 ngut wa yoh takma haka 2nd NEOG 

Ynne ka sngi ka West Jaiñtia Boxing Association (WJBA) chirup waka Meghalaya People United Front (MPUF) da pynkup burom ki ya ki 3 ngut ki khloor yakura namo ki Boxer na West Jaiñtia Hills kiwa da yoh takma ha ka lympung 2nd North East Olympic Games 2022 wa da pynman ha Shillong ini wadep.

Kini ki le ngut kynthup ki ya u Badonkupar Synnah uwa yoh takma ksiar ha ka 57-60kg, u Baiamutlang Sungoh uwa yoh takma tama ha ka 60-63.5Kg wa u Bhalang Shadap uwa da yoh takma ksiar ha ka 63.5-67Kg.

Advertisement ad1

Ya ki kini ki 3 ngut da pdiang burom na sarokbah ha Thadlaskeiñ wei neini da synraan ya ki da kiwa kitkaam ka WJBA, MPUF chirup wa ki pulit ka Jowai Police Station chadooh cha Madan Dai Masi, Ladthadlaboh heiwa da em ka yalang wa tbian wa pynlai da u Rudolf Eustace Laloo uwa man leh uwa e buit ka seiñ heiwa da pyntip u wa na ka jylla da jied 9 ngut ki Boxer wei na kini soo ngut toh kiwa na West Jaiñtia. 

Ha kani ka sngi da emlang u MDC ka Shangpung u T. Suchiang deilang u S. Manner uwa man u OC ka Jowai Police Station. 

U Baiamutang Sungoh hawa e yei klam da khana u wa ka Meghalaya Boxing Association (MBA) da e sikai (Coaching) ko ar tayaaw heiwa ha ka chi sngi da chah hikai ki 6-8 kynta heiwa da ong u wa ymtoh u man ki bru kiwa swe khnang wow yoh u khait ya u soh i jop. 

U Badonkupar Synnah da ong u wa i yoh takma ki toh nei kreh chitom deiwa e khublei kyrpang u ya ka MBA wa da kyrchaan ya ki. 

Neiliang u Bhalang Shadap da khana u wa ka MBA da kyrchaan wei da pynbiang ko ya ki thaw sah wa biang ya ki heipor wa chah hikai ki. 

U T. Suchiang kam u kongsan da e khublei u ya ki le ngut kiwa da rah naam ya ka ri-loom Jaiñtia wa ka jylla hadooh ynne ka sngi. 

Da ong u wa boonsien hawa lai pait bol da yoh u yoo ya kiwa boon kiwa pawnaam tangwa sñiawsih won wa na Ri-loom Jaiñtia dang duna bha ki kamtæ kyrmen u wa kini ki le ngut u man ki kam ka nongmuna ya kiwi wow rah naam ya ka ri wa ka jylla um du hei yalehbol kamjooh kiwi leh ki jait yalehke. 

Advertisement ad1
Share this:
Previous

Rah ka Sailung Ialong yaka 1st Division ka WJDSA

Next

I thong ka NPP toh wow pynyatylli ya ki bru da iwi i sur wow lai cha Delhi: Dr. Kharlukhi