Ka yung krehkaam u District Medical & Health Officer ka East Jaiñtia Hills, Khliehriat Football Team chirup waka East Jaiñtia Hills Sport Association (EJDSA) ynne ka sngi da pynkup burom ko ya u Samborlang Rynjah.
U Samborlang toh uwa da jooh khut siñ ha ki Social Media kam u Martinez Jr. wei da pynkup burom ya oo da ka poisa kam chibynta wow kyrchaan ya oo chwa wow lai pynpsiah u waka Football Club Minerva Punjab.
Kam wow kdaw heini, u Samborlang toh u khynnah wa 6 snem i rta wei toh uwa na chnong Mawryngkneng uwa da paaw bha ha Social Media yei sap yong oo kam u Goal Keeper.
Ka yung krehkaam u DMHO-EJH da e khublei ko ya kiwa yahkhmat ka EJDSA kawa smat wow embynta lang ha kani ka sngi.
Ha kani ka sngi da em leh ka yalehke Football Friendly Match hapyrdi ka yung krehkaam u DMHO waka dhab wa wan chirup wa u Samborlang Rynjah na Mawryngkneng heiwa ka yung krehkaam u DMHO da jop ko da 5-2.
Discussion about this post