Ka yung krehkaam u Deputy Commissioner ka West Jaiñtia Hills District deilang ka yung krehkaam u District Sports Officer, West Jaiñtia Hills wa ka West Jaiñtia District Sports Association ha ka 15 tarik da pynkup burom ko ya kiwa yalehke Sports ka District kiwa da yoh rah takma ha ka State Level 2025, heijooh i por leh da pynkup burom ko ya kiwa yalehke ka North Liberty Higher Secondary School Jowai kawa da yoh rah naam jop ha ka State Level Subroto Cup Under-17 Boys.
Ki Athlete wa chah pynkup burom kynthup ki ya u Iarmioo Lamin uwa da yoh takma ksiar hei phet pyllah 1000m.
Kiwa yoh takma rupa kynthup ki ya ka Daphi Dkhar ha ka 400m, u Yaanwill Rymbai ha ka 100m, ka Peacefully Pohplet ha ka 300m, ka Wankynsai Pyrtuh ha ka Javelin Throw wa u Resourcewellson Sayoo ha ka Triathlon C.
Kiwa yoh takma tama won kynthup ki ya ka Felisha Mukhim hei phet pyllah 1000m, ka Wasaki Phawa ha ka 5000m, u Iohiksan Lyngdoh ha ka 400m, u Pynskhemmidame Lhuid ha ka 5000m, ka Saphika Pyrtuh ha ka 600m, ka Baiarbha Nongrum ha ka Shot Put, u Teilangme-I Phawa ha ka 600m, ka Deisaphi Shadap ha ka Triathlon C wa u Hopefullson Kyndait ha ka Triathlon C.
Neitæ da pynkup burom leh ya ki Coach wa Manager ki Athlete wa kynthup ya u Firstly Gust Stone Challam, u Kermiki Pasi wa ka Basiadiamki Talang.
Discussion about this post