U Chief Minister ka Assam, u Himanta Biswa Sarma da pynlait u ya ka Online Portal neibynta ki Licence tiar siat namo Arms License Services ha ka yalang wa da pynman ha Lok Sewa Bhawan, Guwahati, deiwa pynche wa ka sorkar u e License tiar siat donhi ko wei ym toh ki tiar siat.
Ini da leh khnang wow wanrah yei sñiaw chngaaiñ ya ki paidbah wa chong syir khamtam ki tre ri wa ki khian paaid.
U Himanta da ong u wa kani ka Scheme toh kawa katkam ka riti synchaar ka ri wa klam ya i laitlooid wa i bahkhlieh wei i emkaam wow yada pyn da-i ya-i hi ha ki thaw wa man synjor i chong chngaaiñ.
Da ong u wa ka sorkar man ko kawa em i bahkhlieh wei i bor wow e ya ki License toh ha ki Deputy Commissioner, District Commissioner wa ki Superintendent of Police deiwa ong leh wa i pynemkaam bakla ya ki ymtoh i bahkhlieh u Chief Minister næ ki heh pulit.
Kini ki thaw wow e License kynthup ki ya ka Nagaon, Morigaon, Dhubri, Barpeta, South Salmara-Mankachar wa Goalpara heiwa da ong wa da em boon da ki bru wym yoo tikna neiwon wan ki bar ya ki tre chnong.
Discussion about this post