Ka District Social Welfare Department deiwa ya krehlang wa ka District Hub for Empowerment of Women deilang ka Jowai Women’s Police Station, West Jaiñtia Hills District ynne da pynkup burom ki ya ka Sawakani Lakiang kawa da wanrah burom ya ka jylla kamjooh ka District deiwa yoh Gold Medal ha ka SAARC Women’s Bikini Model Category, World Fitness Federation wa pynman da ka South Asian Association for Regional Cooperation ha Mumbai ha ka 19 tarik uni u bnai.
Da man ko leh kawa nyngkong ka kynthai na Meghalaya ka wow yoh ya ka Pro Card ha kani ka yakob.
Ka Sawakani Lakiang toh kawa na Tpep-Pale, Jowai wei man ko leh kam ka Ambassador ka Beti Bachao Beti Padhao, District Hub for Empowerment of Women, West Jaiñtia Hills District.
Ya kani ka pynkup burom da pynman ha yung krehkaam ka DSWO wa em ha Mookyrdup, Jowai.
Ha kani ka sngi da emlang wa u Coach ko, u Dr. Desire Kynjin, kiwa ha-yung ha-sem ko, ka Officer Incharge ka Women Police Station, ka Inspector I. Kharpran, u District Mission Coordinator, u F.G.Rynnga, DHEW deilang ki sahep wa kiwa kreh ka DSWO wa DHEW.
Discussion about this post