Shillong: U montri rangbah ka jylla, u Conrad K Sangma ynne da pynkup burom u ya u Bonkey R Marak da ka Meghalaya-Entrepreneurship Recognition Award (MEG-ERA) June 2019.
U Conrad da ekhublei u ya u Bonkey R Marak, uwa na Balsrigittim Williamnagar, East Garo Hills uwa da sdang ya ka Waste Paper Recycling Centre kawa da e pyrtuid kam ka Ecocraft ha yung krehkaam u Deputy Commissioner, Williamnagar.
Ka thong yong ka Ecocraft, toh wow pynlang ya ki kot man ka sngi kiwa mih na ki yung krehkaam sorkar, ki skur wa ki College wei wow chna thymme biang ya ki ha iwi i dur khnang wow ye biang u pynemkaam biang ya ki.
Ha kani ka thaw da chna ya ki file cover, file board, four folding file, envelope, file cover, document boxes, pen stand wa ki waste paper bins wei katni dang krehkaam ko du ha East Garo Hills wei u Bonkey kwah u wow pynkrai ya ka ha kylleiñ ka ri-loom Garo.
Katkam wa man katni ki kot wa da pdiang da kani ka thaw toh ki notepad, notebook, ki kot A3 wa A4, ki kot puræ, wa iwi kiwi.
Discussion about this post