Ka sorkar ka ri Cyprus ynnin da pynkup burom ko ya u Prime Minister ka ri India, u Narendra Modi da ka ‘Grand Cross of the Order of Makarios III’, kawa man ka naam paidbah wa heh dooh ha ka ri Cyprus.
Neiliang u Modi da ong u wa ini toh i burom yong i maya lok ka India wa Cyprus wei man i leh i burom yong ki 140 Million ngut ki paidbah ka India.
Da ong u leh wa man i burom wow yoh ya ka ‘Grand Cross of the Order of Makarios III’ ka ri Cyprus.
Ya u Narendra Modi da pdiang burom da u President ka Cyprus, u Nikos Christodoulides ha Presidential Palace ka nongbah Nicosia.
Kani man ko leh ka sien wa nyngkong wa uwon uwon u Prime Minister ka India u lai ki cha Cyprus.
U Modi da poi u ha Cyprus kam chibynta yong i lai u cha ki le ri wa kynthup ya ka Cyprus, Canada wa Croatia.
Da pdiang burom ya oo ha Larnaca International Airport da u President Christodoulides wei hadien won da ki nong India ha Limassol.
Discussion about this post