Ka Khasi Students’ Union (KSU) Wapung Unit ha ka 27 tarik uni u bnai da pynman ko yaka Maitshaphrang Academic Award wa nyngkong nadooh wa da dep seiñ ya ka chnat khrehkaam ha kini ki 4 bnai wa da dep. I thmu yong ka seiñ wow e ya kani ka khusnam toh ha ka yurim wow pynchlur ya ki khon khynroo ka chnong hi waroh kawi, yoh ki u nang yoh mynsien chooh chooh chakhmat, yoh ki u ye u lehbha wei heijooh i por u man kam ka nongmuna wa bha ya kiwi tawan ki khon khynroo ka chnong.
U kongsan ha kani ka e khusnam ya ki khon khynroo toh u Daniel Khyriem uwa man leh u President warim ka KSU Central Body, uwa man kam uwa e ktien yong ka KSU (State Coordinator) cha ka North East Students Organisation. U symbood kongsan won toh u Donald V Thabah uwa man u General Secretary ka KSU Central Body. Kiwi de wa wan embynta lang ha kani ka sngi kynthup ya u Shiningstar Kharbihkhiew uwa man u Asst. Education Secretary ka KSU Central Body, u Eric Nongkynrih Asst. General Secretary ka KSU Central Body, u Glimore Nonghuloo u dkhot ka KSU Central Body, u Ohibait Dkhar President KSU Jaiñtia Hills District Unit, u Cherity Suja GS ka KSU JHDU, u S.S. Niangti Finance Secretary ka KSU JHDU wa ki dkhot na ka KSU Khliehriat Circle, KSU Narpuh Circle, KSU Jowai Circle, KSU Nartiang Circle wa na ki Unit waphær waphær kiwa em hapoh ka KSU Jaiñtia Hills District Unit.
Neiliang ka chnong da synraan ha kani ka sngi da u Mut Dkhar uwa man u Waheh Chnong ka chnong Wapung Shnong, u Satly Ryngkhlem u Waheh Chnong ka Wapung Skur, u Chairman ka Dong Moopynien, u Damewanhi Rymbai u waheh ka dong Moopynien uwa man leh u President warim ka Jaiñtia Youth Federation.
Ha kani ka sngi da yoh ya chiboon ki klam e mynsien na ki bru rangbah wei na u kongsan wa u symbood kongsan, da e mynsien ki wei kitbok kitwriang ki ya ki khynnah khynroo kiwa da yoh ya kani ka khusnaam.
Ha kani ka e khusnam ya ki khynnah da ka KSU Wapung Unit da pynkup burom ya ki 18 ngut ki khynnah khynroo kiwa da leh bha haka SSLC (Matriculation) wa uwi na ka HSSLC. Da yoh leh u pynkup burom ya u Sikari Dkhar uwa man kam uwa yah Ambulance ka seiñ da boon snem kam i chakri ya ka chnong ka thaw lyngba ka seiñ.
Ya kani ka lympung e khusnam da chongknor da u Pynshai Kupar Dkhar uwa man u dkhot EC ka KSU Wapung Unit, da yoh ya i klam pdiang sñiawbha na u President ka KSU Wapung Unit u Deiniwan Lyngdoh, ya i pynlai ya i bynta u e ya ki khusnam da e da u Hame Ryngkhlem u Education Secretary ka KSU Wapung Unit wei ya ki ktien khublei da yoh na u Shwari Ryngkhlem u GS ka KSU Wapung Unit.
Ki khynnah khynroo kiwa yoh ya kani ka khusnam man kamni ha wah:
Secondary School Leaving Certificate (SSLC)
- STURISHA RYNGKHLEM, MBOSE- 77.50%, Step by Step Sec. School Wapung.
- IBAKORDOR DKHAR, MBOSE-75.50%, R.K. Mission Hr. Sec. School, Sohra.
- SEIBORMI DKHAR, ICSE-72%, Jowai Govt. Public School, Jowai.
- DA I MONMI DKHAR, MBOSE-71.33% R.K Mission Hr. Sec. School, Sohra.
- NESKI DKHAR, MBOSE-69.16%, R.K. Mission Hr. Sec. School, Sohra.
- HAPPY DKHAR, MBOSE- 68.16%, St.Francis Sec. School, Smit.
- WANDASHISHA RYMBAI, MBOSE-67.16%, Little Flower School, Shillong.
- AMAZING GRACE DKHAR, MBOSE- 65.83%, Wapung Secondary School, Wapung.
- LARIKYNTI M DKHAR, MBOSE-64.16%, North Liberty Hr. Sec. School, Jowai.
- CARLOS RYMBAI, MBOSE- 62.66%, Sein Jait Tuber Govt. Aided Sec. School, Tuberkmai Shnong.
- MAR PHAWA, MBOSE-62.66%, Wapung Secondary School, Wapung.
- BARISHA DKHAR, MBOSE-62.16%, K.B Memorial Sec. School, Wapung.
- TYRSHAINBHA DKHAR, MBOSE- 61.50%, Govt. Boy’s Hr. Sec. School, Jowai.
- HUNLANG RYMBAI, MBOSE-60.66%, Sein Jait Tuber Govt. Aided Sec. School, Tuberkmai Shnong.
- THANLANG PHAWA, MBOSE-60.50%, Wapung Secondary School, Wapung.
- SPECIALIST DKHAR, MBOSE-60.33%, Wapung Secondary School Wapung.
- EVANKI SHYLLA MBOSE- 60.00%, K.B Memorial Sec. School, Wapung.
- SOWAKA DKHAR, CBSE- 82%, JNV MUKHLA MEGHALAYA.
HIGHER SECONDARY SCHOOL LEAVING CERTIFICATE(HSSLC)
- ME U IOO DKHAR, CBSE- 72.2%, Vikas Vidyaniketan Visakhapatnam AP.
