Iwi i Video na Jammu da poor i ha Social Media wa pynyoo ya u mot sahnaam u chipai wa kup kymmor wei ini i Video da ktah i ya kiwa boon ki bru.
Ka khubor wa tikna da ong wa ka Jaswant Kaur kawa na Ranbir Singh Pura, da kheiñ ko wa u khon ko uwa da yap u, Gurnam Singh kam uwa dang im.
Ya uni u mot u Gurnam Singh uwa man kam u Constable ka BSF toh wa da booh wow pynsahnaam ya oo uwa da khlaad noh ha u snem 2016 hei chah siat ha ki seiñ kieñ suloi wei nadooh itæ i por ka Jaswant Kaur da sumaar ko ya oo dei jooh kamwa sumaar ko ya u khon wa dang im.
Ha kini ki sngi wa dadep ka Jammu da sakhi ko yei dait thah wei kjam kamtæ ka Jaswant Kaur dei sñiawkhia khnang wow lait u khon nei kjam da pynkup ko ya uni u mot da ka kymmor.
U Grunam Singh toh uwa da yoh ya ka President Police Gallantry Award wei ini i leh ka bei u da wanrah i yei wyrai na kiwa boon.
Discussion about this post